20 мая (нядзеля) ў бары "Йо-ма-Йо" (г. Мінск, ДК МТЗ, Даўгабродская 24. Ст.м. "Трактарны Завод") адбудзецца творчая сустрэча з Тацьцянай Беланогай. Пачатак 19.00.

Сяброўская размова, невялікі канцэрт, адказы на пытанні, конкурс на лепшае пытанне, цікавыя падарункі.

Уваход вольны

Паважанае панства! Выйшаў новы нумар цудоўнага дадатку да газеты “Новы час” “Літаратурная Беларусь”. У ім вас чакае:

Літаратурна-грамадскае жыццё красавіка;

"Свабодаўская" гутарка Міхася Скоблы з прафесарам Іванам Лепешавым;

Вершы Таццяны Беланогай;

"Гумар быў ягоным крэда" (ДА 100-годдзя Леаніда Прокшы);

Яўген Бяласін пра Алеся Разанава;

Старонкі новай кнігі Алеся Жука;

Парцэлы Алеся Макрацова;

Жыццё і творчасць Міхася Явара;

"Этна-марскія" ўспаміны Паўла Ляхновіча;

Ала Сямёнава пра Алеся Каско;

Кніжныя агляды Наталлі Якавенка і Паўла Абрамовіча;

Літаратурныя навіны замежжа.

Спампаваць новы нумар можна тут:  № 68

http://lit-bel.org/assets/files/litbel_krasavik_2012.pdf

Шчыра дзякую Саюз беларускіх пісьменнікаў за падтрымку і творчую супрацу!

МГА “ЗБС “Бацькаўшчына” заклікае абараніць гонар і годнасць беларусаў Прыбайкалля.

Управа МГА “Згуртаванне беларусаў свету “Бацькаўшчына” выказвае вялікую занепакоенасць з нагоды крымінальнага пераследу Маладзёвага клуба “Крывічы” пры Іркуцкім таварыстве беларускай культуры імя Яна Чэрскага і яго старшыні – Алега Рудакова і звяртаецца па дапамогу ў адстойванні яго гонару і годнасці да беларусаў свету. Я таксама далучаюся за закліку абараніць гонар і годнасць беларусаў Прыбайкалля. У 2011 годзе я, Таццяна Беланогая, наведала Іркуцк і Іркуцкае таварыства беларускай культуры імя Яна Чэрскага, дзе па запрашэнню старшыні таварыства спадара Алега Рудакова грала калядны  канцэрт. Мяне сустрэлі вельмі шчырыя, прыгожыя людзі, шчырыя аматары беларускіх народных песень. Тое, што адбываецца зараз, з’яўляецца памылкай. Я спадзяюся на адэкватныя дзеянні праваахоўчых органаў і вырашэння ўсіх пытанняў.

24 красавіка адбудзецца канцэрт Таццяны Беланогай і Іллі Паплёўкі (гурт “Абшар”) ў Мінску. Таццяна выканае вядомыя і новыя песні, песні з новага альбома на вершы Яўгеніі Янішчыц, які зараз рыхтуе. Ілля Паплёўка падрыхтаваў акустычную праграму сваіх песень. Шчыра запрашаем!

Адрэса: пр-т Незалежнасці, 131/1 (ст.м Усход. Клуб «Салтайм»).

Імпрэза ў кантакце http://vk.com/event37080840

Уваход 20 000 (папярэдне)

25 000 у дзень канцэрта на ўваходзе.

У дзень св. Патрыка ўсе хочуць быць ірландцамі. Запрашаем на  беларуска-ірландскі вечар у варшаўскім клубе Wetlina. Вас чакае канцэрт беларускага барда  Тацьцяны Беланогай.

http://www.youtube.com/watch?v=hHCiQXDAVAI&featur..

http://www.slmballada.home.pl/bielanohaja.htm

А пазней забава пад ірландзкую і беларускую музыку,  і не толькі !

Прагучыць музыка да зялёнай раніцы ў выканані дыджэяў:

dj Wujek Axis & Wujek Ptak (PL) i dj Poleszuuuk (BY).

Усё пачнецца ў 20:03 гадзін 17 сакавіка у клубе Wetlina, які на вуліцы Wałbrzyskiej 11 непасрэдна каля выхаду з Мэтро Służew

кошт квітка - 10 злотых.

Калі прыходзіць вясна, хочацца спяваць!

У межах кампаніі “Будзьма беларусамі!” 19 сакавіка а 19 00 адбудзецца канцэрт барда Таццяны Беланогай у пасёлку Зялёны Бор. Каб стварыць чароўны вясновы настрой,  у праграме прагучаць лірычныя песні Таццяны, а таксама песні на вершы паэтаў – Яўгеніі Янішчыц, Дануты Бічэль-Загнетавай, Людмілы Паўлікавай.

Адрас: Мінская вобласць, Смалявіцкі раён, пасёлак Зялёны Бор, вул. Сацыялістычная, 7. Уваход вольны! На канцэрце будуць разыграныя памятныя падарункі ад кампаніі “Будзьма беларусамі!”.

Прыходзьце па добры настрой і вясновыя песні!

На ultra-music.com даступны міні-альбом “B-52” – першая частка праекту “Танцы з Бубнам”. Супольны праект прадстаўляе сабой калабарацыю культавага электроншчыка Улада Бубна з беларускімі літаратарамі. Дэбютны міні-альбом быў названы проста і з густам “B-52”, – па колькасці літаратурна-музычных інгрыдыентаў, якія ўвайшлі ў яго склад і былі як след зміксаваны "бармэнам". Галасамі “B-52” сталі Вольга Гапеева, Таццяна Беланогая і Байсан. Каштуйце!

Улад Бубен – заснавальнік шэрагу музычных плыняў і ў добрым сэнсе слова “бацька” беларускай электроннай сцэны. Стваральнік ТВ-шоў для Беларускага  MTV і шэрагу радыё-праектаў, прысвечаных электроннай музыцы. Працы Бубна выдаваліся на 58 лэйблах па ўсім свеце, жывыя выступы адбыліся ў Нямеччыне, Галандыі, Швецыі, Бельгіі, Польшчы, Расіі, Венгрыі, Аўстрыі і іншых краінах. Вядомы таксама, як альтэрнатыўны івэнт-прадусар,  Улад працуе ў шырокім дыяпазоне жанраў – ад дыска і тэхна да брэйк-кору і індастрыэла.

У 2010 годзе Уладзіслаў падпісаў кантракт з буйнейшай еўрапейскай кампаніяй Believedigital, якая прадстаўляе ў інтэрнэце кампазіцыі такіх музыкаў, як Luciano, Ricardo Villalobos, Loco Dice, Bob Sinclar, Dj Cam, David Vendetta. Альбомы, запісаныя Бубнам, распаўсюджваюцца буйнейшымі музычнымі нэт-рэсурсамі - Beatport, Emusic, Amazon, ITunes, Google music, Rhapsody,
VirginMegaFr, Junodigital,Spotify, DjShop De,7 Digital, Hardstyle.com, Myxer і тузіном іншых. Кампазіцыі праекту будуць дасяжныя для айчыннай аўдыторыі БЯСПЛАТНА.

Buben feat Hapeyeva - Vahon № 898. Chill out – прысвячэнне мінскаму метро 

Вольга Гапеева - аўтарка кніг “Рэканструкцыя неба” (2003), “Няголены ранак” (2008), “Метад муаравых крэсак” (2012), “Прысак і пожня” (2012). Піша паэзію, прозу, драматургію. Творы перакладаліся на англійскую, нямецкую, польскую, македонскую, чэшскую. Удзельніца шматлікіх міжнародных канферэнцый і літаратурных фестываляў (Славенія, Германія, Чэхія, Літва і інш.). Стыпендыятка Літаратурнага Калоквіума Берлін (2009) і Міжнароднага Дома пісьменніка і перакладчыка (Вэнтспілс, 2010). Лаўрэат прэміі часопіса “Дзеяслоў” “Залаты апостраф” (2010). Займаецца літаратурным перакладам (з англійскай, нямецкай, кітайскай) і гендарнай праблематыкай у культуры і літаратуры, а таксама даследаваннямі ў галіне кампаратыўнай лінгвістыкі і сацыялогіі цела (мадыфікацыі і самапашкоджанні).

Buben feat Belanogaya - … is temporarily blocked… Самы лірычны Techno-Trance 2012 году

Таццяна Беланогая – Творчы дэбют адбыўся ў 2002 годзе. З’яўляецца яркай прадстаўніцай сучаснай бардаўскай песні. Выконвае песні на ўласную лірыку і вершы класікаў. Тэмы сумленнага выбару, кахання, прагі да волі творчай душы – асноўныя ў яе творчасці. У розныя гады - пераможца конкурсаў “Бардаўская восень” і “ОРРА”. Мае чатыры нумарныя альбомы: “Там, дзе мы”, “Пабачыць свет”, “Дзвюхкроп’е” і "Ніткі" і ўдзел у шматлікіх складанках.  

Buben feat Bajsan - Zvany. Сакральныя вершы і break beat – welcome to 21 стагоддзе!

Байсан (Алесь Плотка) – Пачаў друкавацца ў 2000 годзе ў самвыдаце, публікуецца ў перыёдыцы. Характэрны выхадзец з гомельскага андэграўнду, сваёй творчасцю прапагандуе ідэю беларусаў генерацыі 2.0 (беларусаў свету). Заснавальнік гуртоў JazzLatex, Samadhi Boom і Bajsan, у іх складзе - альбом «Best of JL» і шматлікія складанкі. Аўтар тэкстаў канцэпутальнага альбому гурта IvoryGod “Alienation”. Дыпламант беларускага ПЭН-у, адзін з аўтараў скандальнай п'есы «Каханне і гашыш».  

Спампаваць міні-альбом “B-52”.

На беларускім партале TUT.BY  у перадачы  с Яўгеніем Далгіх распавядаў пра творчасць і творчыя планы прадстаўнік электроннай музычнай сцэны Улад Бубен. Інтэрв’ю можна паглядзець тут:  http://news.tut.by/tv/275675.html#

ПРАГРАМА:

Субота, 25 лютага
канферэнц-заля Інстытута імя Гётэ (вул. Веры Харужай, 25/3)

15.00 – Валянцін Акудовіч, Ігар Бабкоў, Леанід Дранько-Майсюк, Барыс Пятровіч, Любоў Турбіна згадваюць Міхася Стральцова і чытаюць ягоныя творы.

15.45-18.00 – паэтычныя чытанні: Алесь Аркуш, Міхал Анемпадыстаў, Сяргей Балахонаў, Генадзь Бураўкін, Леанід Галубовіч, Дзмітрый Дзмітрыеў, Галіна Дубянецкая, Віктар Жыбуль, Анатоль Івашчанка, Дар’я Ліс, Тацяна Нядбай, Сяргей Прылуцкі, Антон Рудак, Олена Стэпаненка (Украіна), Мары Сілкеберг (Швецыя).

Міхал Бараноўскі, гурт "Нельга забыць".

19.00-21.00 – Жаночы слэм
Галерэя Ў (пр. Незалежнасці 37А, ст. м. Плошча Перамогі)

Маргарыта Аляшкевіч, Раіса Баравікова, Вера Бурлак, Валярына Кустава, Ася Волкава, Аксана Данільчык, Каця Зыкава, Тацяна Нядбай, Аксана Спрынчан, Віка Трэнас, Анка Упала, Юлія Цімафеева, Вольга Чайкоўская, а таксама Солья Крапу (Фінляндыя/Швецыя) , Олена Стэпаненка (Украіна), Мары Сілкеберг (Швецыя).


Нядзеля, 26 лютага
канферэнц-заля Інстытута імя Гётэ (вул. Веры Харужай, 25/3)

15.00-16.30 – паэтычныя чытанні: Андрэй Адамовіч, Раіса Баравікова, Адам Глобус, Югася Каляда, Солья Крапу (Фінляндыя/Швецыя), Ігар Кулікоў, Дмытро Лазуткін (Украіна), Петэр Мілчак (Славакія), Алесь Разанаў, Людміла Рублеўская, Віктар Слінко. 

Тацяна Беланогая з песнямі на вершы класікаў.

16.30-18.00 – чытанні паэтаў-перакладчыкаў: Алеся Башарымава, Лявон Баршчэўскі, Аксана Данільчык, Маціеўская, Марыя Пушкіна, Алена Пятровіч, Віталь Рыжкоў, Міхась Скобла, Марына Казлоўская, Зміцер Колас, Уладзь Лянкевіч, Кацярына Юлія Цімафеева.

Вядзе Андрэй Хадановіч.

У межах фестываля: 

-           згадкі і чытанне Міхася Стральцова,

-           выступы беларускіх і замежных паэтаў,

-           чытанні паэтаў-перакладчыкаў,

-           паэтычны слэм.

Удзельнікі:

Солья Крапу (Фінляндыя/Швецыя), Дмытро Лазуткін (Україна), Петэр Мільчак (Славакія), Мары Сілкеберг (Швецыя), Олена Стэпаненка (Україна), Любоў Турбіна (Расія),

Алесь Аркуш (Полацак/Беласток), Сяргей Балахонаў (Гомель), Дзмітрый Дзмітрыеў (Магілёў), Дар’я Ліс (Залессе), Тацяна Нядбай (Варшава), Сяргей Прылуцкі (Кіеў),

Андрэй Адамовіч, Валянцін Акудовіч, Маргарыта Аляшкевіч, Міхал Анемпадыстаў, Ігар Бабкоў, Раіса Баравікова, Лявон Баршчэўскі, Алеся Башарымава, Генадзь Бураўкін, Вера Бурлак, Ася Волкава, Леанід Галубовіч, Адам Глобус, Аксана Данільчык, Леанід Дранько-Майсюк, Галіна Дубянецкая, Віктар Жыбуль, Каця Зыкава, Анатоль Івашчанка, Югася Каляда, Зміцер Колас, Ігар Кулікоў, Валерыя (Валярына) Кустава, Уладзь Лянкевіч, Кацярына Маціеўская, Алена Пятровіч, Барыс Пятровіч, Алесь Разанаў, Людміла Рублеўская, Антон Рудак, Віталь Рыжкоў, Міхась Скобла, Віктар Слінко, Аксана Спрынчан, Анка Упала, Юлія Цімафеева, Вольга Чайкоўская (Мінск).

Арганізатары:

Беларускі ПЭН-Цэнтр,

Саюз беларускіх пісьменнікаў,

Шведскі саюз пісьменнікаў,

Інстытут імя Гётэ ў Мінску.

Схема, што дапаможа дабрацца да Інстытута імя Гётэ:

Падрабязней на http://lit-bel.org/by/news/2732.html, khadanovich.livejournal.com/231837.html

Паэтычны тэатр "Арт. С"
25 студзеня а 18.00 у музеі Янкі Купалы
п р а д с т а ў л я е
вечарыну "ТАЦЦЯНІН ДЗЕНЬ" – 2012
Выступаюць-чытаюць-апавядаюць-спяваюць ТАЦЦЯНЫ:
БАРЫСЮК, БЕЛАНОГАЯ, БУДОВІЧ, ГРЫНЕВІЧ, ЛАДУНОВА,
МУШЫНСКАЯ, ПРАТАСЕВІЧ, СІВЕЦ
а таксама брат Таццяны АЛЕСЬ ЕМЯЛЬЯНАЎ
Падарыце свята сабе і знаёмым Таццянам
УВАХОДНЫ КВІТОК 3 тысячы рублёў

Сайт ART-S.BY , сувязь "Арт.С" <box@art-s.by>

У межах серыі канцэртаў “Штомесяц 13-га па-беларуску” у клубе «Салтайм» (пр. Незалежнасці 131/1) праходзяць выступы беларускамоўных рок-каманд. Але 13 студзеня 2012 года прапануем вам наведаць Special Event (спецыяльную падзею) гурта “Верасень”. Імпрэза адбываецца ў межах кампаніі «Будзьма беларусамі!».

З нагоды дня нараджэння гітарыста гурта «Верасень» Арцёма Лабіна вечар 13 студзеня (дарэчы, яшчэ і Стары Новы Год, і пятніца, трынаццатае!) будзе мець незвычайны фармат. Вас чакае выступ гурта «Верасень», а таксама цікавая музычная праграма ад сяброў: сюрпрыз ад Таццяны Беланогай, блюзавы сэт ад гурта Long Way, вогненны луізіянскі блюз (танчаць усе!) ад Maddy Daddy Band, прывітанне ад блюз-рок каманды «На Узлёт» і джэм напрыканцы.

…І мы зусім забылі, што гурт «Верасень» гэтым вечарам прадставіць студыйную міні-плытку з новымі песнямі…

Кошт квіткоў не палохае: 25000 папярэдне ў 2012 годзе, 30000 у дзень канцэрта.

Папярэдняя замова квіткоў – (029) 640 09 38, (025) 622 95 03

Пачатак а 19-й!!! І без затрымак – пачнем своечасова, бо праграма немалая!

Уваход асобам з музычнымі інструментамі – бесплатны. Наяўнасць кветак і падарункаў права на зніжкі не дае, але катэгарычна вітаецца!

• Таццяна Беланогая
• Зміцер Бартосік
• Андрэй Хадановіч
• Эдуард Акулін
• Андрэй Плясанау
• Аляксей Галіч

Падчас імпрэзы адбудзецца прэзентацыя дыску «Калядныя песьні Данчыка»

Усім дзеткам -падарункі ад арганізатарау і Святога Мікалая!

Даведкі: 6490888. Кошт квіткоу ад 25 000 да 45 000.

Калядныя зоркі з намі

Каляды, бадай, самае ўлюбёнае сьвята для ўсіх людзей зямлі. Калі нехта можа не заўважыць, напрыклад, Дзень Радыё ці нават чыйсьці дзень нараджэньня, дык забыць пра Каляды проста немагчыма: людзі зьбіраюцца разам, танчаць, гуляюць у калядныя гульні, сьпяваюць (ці проста слухаюць) калядныя песьні.

Беларусам на Каляды пашанцавала нават двойчы, бо наша поліканфэсыйнасць прывяла да таго, што сьвята Божага нараджэньня сьвяткуецца і паводле старога календара, і паводле новага. І вось 7 студзеня менскі Палац Вэтэранаў запрашае на неверагодны акустычны калядны канцэрт, які да ўсяго іншага будзе й прэзэнтацыяй унікальнага фанаґрафічнага выданьня – CD Данчык «Калядныя песьні». Унікальнага таму, што раней (гадоў 15 таму) выходзілі толькі касэты з такой праґрамай, а цяпер сучасныя тэхналёґіі дазволілі падрыхтаваць адпаведны часу прадукт, які зьмясьціў ня толькі два дзясяткі песенных шэдэўраў, але й жывыя відэазапісы знакамітага сьпевака, якога называюць «Залаты беларускі голас з Амэрыкі».

Як вядома, у беларускай традыцыі сымболем гэтага сьвята стала Калядная Зорка (пра яе й многія песьні). Дык вось і на канцэрце гэтым зьбяруцца сапраўдныя зоркі беларускай поп- і рок-музыкі, бардаўскай песьні (Тацяна Беланогая, Зьміцер Бартосік, Андрэй Плясанаў, Андрэй Хадановіч, Эдуард Акулін, Аляксей Галіч), каб ушанаваць песьняй Калядную Зорку.Калі ў двух словах пра артыстаў, дык пераможцу шэрагу эўрапейскіх фэстываляў акустычнай рок-музыкі Таню Беланогую беларусы ведаюць найперш па альбомах «Дзьвюхкроп’е» і «Ніткі», якія займалі месцы ў гіт-парадах, траплялі на тэлевізію. Бартосік і Хадановіч прывабліваюць найбольш аматараў сьцёбных песенных фэльетонаў, у той час як Плясанаў (а ў яго 6 альбомаў) заслужана атрымаў у прэсе тытул «лепшага пасьля Мулявіна рок-мэлядыста Беларусі».

Некалькі альбомаў выдаў і тонкі лірык, кароль бардаўскага жанру й паэзіі Э.Акулін, а вось унікальнаму таленту Аляксея Галіча удалося пакуль прабіць толькі папулярныя складанкі сярэднявечнай музыкі кшталту «Леґенды Вялікага Княства», «Medieval», хоць дыяпазон ягонага вакальнага таленту заслугоўвае паўнафарматных аўтарскіх альбомаў. У фае канцэртовае залі можна будзе таксама паглядзець поўную дыскаґрафію ўсіх гэтых артыстаў, а нешта й набыць на памяць аб цудоўным сьвяце. А ўсім дзеткам арґанізатары абяцаюць падарункі ад Сьвятога Мікалая, заўсёднага патрона Калядаў!

Канцэрт адбудзецца, нагадваем, 7 студзеня ў менскім Палацы культуры вэтэранаў (вул. Я.Купалы, 21) у 19.00. Даведкі па тэл. 649 08 88.

Вітаўт МАРТЫНЕНКА

Выйшаў калядны выпуск літаратурна-мастацкага часопіса “Дзеяслоў”, №6 (55)/лістапад-снежань/2011 http://dziejaslou.by/ з падборкай вершаў Тацьцяны Беланогай “Скульптура слова”, а таксама ў нумары №6 рэдакцыя часопіса радая прадставіць вам аўдыёдыск Тацьцяны Беланогай – альбом “Ніткі” (перавыданне 2010 года). Дзякуй за падтрымку грамадскай кампаніі “Будзьма беларусамі!”, сайт http://budzma.org/, інтэрнэт – парталу “Тузін Гітоў”, сайт http://music.fromby.net/, Саюзу Беларускіх пісьменнікаў, сайт http://lit-bel.org/.

Таксама ў новым нумары вас чакае сустрэча з цікавай паэзіяй, прозай, перакладамі, эсэ, крытакай.

Новы нумар часопіса “Дзеяслоў” №6 (55) вы можаце набыць у Менску, а менавіта: крама “Акадэмічная кніга”, г. Менск, пр. Незалежнасці, 72. Тэл.: (017) 292-00-52; крама “Кніжны салон”, г. Менск, вул. Калініна, д.5. Тэл.: (017) 385 60 89. Кнігарня  «логвінаЎ», пр-т Незалежнасцi, 37а. Тэл.: (017) 290 63 06.

На часопіс “Дзеяслоў” можна падпісацца ў любым паштовым аддзяленні Беларусі. Падпісны індэкс – 74813 (для індывідуальных падпісчыкаў), 748132 (для ведамаснай падпіскі). Часопіс можна знайсці на інтэрнэт- старонцы http://dziejaslou.by/.

Спадзяемся, вам спадабаецца новы нумар часопіса “Дзеяслоў” і аўдыёпадарунак - альбом “Ніткі” Тацьцяны Беланогай! З надыходзячымі сьвятамі! Сьвятла, сапраўдных знаходак і ўзнёслай музыкі ў душы! 

8 снежня ў межах кампаніі «Будзьма беларусамі» адбудзецца канцэрт Тацяны Беланогай у гімназіі №6 г. Маладзечна. Тацяна падрыхтавала праграму з лірычных песень, бо менавіта гэтая школа – alma mater для Тацяны. Дзевяць год таму яна скончыла гэтую школу, і зараз вяртаецца, каб паказаць сваім настаўнікам свае вынікі. Пачатак а 13 30.